Mae’r Stafell Fyw yn ganolfan adfer sy’n cynnig cymorth hirdymor am ddim i bobl yr effeithir arnynt gan bob math o gaethiwed. Nid oes tâl i fynychu, dim terfyn amser, ac ni chaiff neb ei wrthod.

​

Mae’r Stafell Fyw bellach angen eich help.

​

Yn ystod y flwyddyn ddiwethaf, fe wnaethom adael Adferiad Recovery er mwyn adennill ein hannibyniaeth a diogelu’r hyn sy’n gwneud y Stafell Fyw yn unigryw — ei dull “pob caethiwed” a’i hathroniaeth. Mae hynny’n bwysig, ond mae hefyd yn golygu bod angen i ni brofi ein bod yn gallu sefyll ar ein traed ein hunain.

​

Rydym felly’n gofyn i ffrindiau a chefnogwyr ymrwymo i £10 y mis am flwyddyn, gan ddechrau ym mis Ebrill 2026.

​

Rydym wedi cynnal y Stafell Fyw drwy ei blwyddyn annibynnol gyntaf. Er mwyn bod yn gymwys ar gyfer cyllid cyhoeddus yn y dyfodol, rhaid inni wneud yr un peth eto. Mae’r Ymddiriedolwyr wedi gosod targed o £35,000 erbyn Ebrill 2027.

​

Gyda digon o bobl yn rhoi £10 y mis, gallwn sicrhau bod y Stafell Fyw yn parhau i gynnig cymorth am ddim, heb derfyn amser, i’r rhai sydd ei angen fwyaf.

​

Mae manylion ar sut i roi rhodd fisol ynghlwm, yn ogystal â ffurflen Rhodd Cymorth, y mae'n rhaid i chi ei chwblhau, os ydych yn gymwys i dalu treth, a'i dychwelyd atom ni yn y cyfeiriad sydd ar waelod y ffurflen Rhodd Cymorth.

​

Diolch o galon am ystyried y cais hwn.

​

Yn gywir,

 

Wynford Ellis Owen

Sylfaenydd a Phrif Weithredwr y Stafell Fyw

​

O.N. Trwy gefnogi’r apêl hwn, rydych yn helpu i amddiffyn dull annibynnol o adfer — un sy’n rhoi pobl yn gyntaf cyn prosesau a ffiniau amser.

​

LAWRLWYTHWCH
Teflen Ffrindiau'r Stafell Fyw (PDF, 945kb)

Ffurflen Rhodd Gymorth y Stafell Fyw (PDF, 426kb)
Living Room Gift Aid Form (PDF, 426kb)